Humari gaind |
| Picture: Mirrorpix |
Karachi k ek mauhalle Ashrafabad mein hr shaam ek nayi chehel pehel ka maahol hota tha. Asr prhne k baad tamam lrke cricket khelne ghr se nikalte they. Sb hi lrke bht acha kheltey they. In k shor aur masti se hr shaam ki raunaq ko chaar chaand lg jatey. Log apney ghr ki khirkiyon se jhannk jhaank kr in ka match dekhtey they. Poora mauhalla in ki tareefen krta thakta nhi tha. Team ka captaan Hazim tha. Mauhalle mein aisa koi lrka na tha Jo cricket na khelta ho. Sb Mei dosti aur pyaar bht tha jo k in k khel mein dikhayi bhi deta tha. Ek din muhalle mein ek Naya lrka rhene Aya. Us ka naam Aliyaan tha. Aliyaan aur us k tamam ghr waaley bht husn ikhlaq they. Un ka makaan mauhalle ka sb se ooncha makaan tha Jahan se poora mauhalla ba aasani Nazar ata tha. Jb Alishan ko cricket team ka maaloom hua to us ne bhi khelna chaha aur wo baqi sb larkon se dosti krney gaya. Baqi taman larkay bachpan k dost they. Hmesha se saath kheltey they. Ek naye lrkey ko team mein lena unhe acha nhi lg rha tha. Unho ne Aliyaan ko dost banane se mana kr diya aur kaha tm hamare mauhalle k nhi. Hm sb to purane dost Hain aur is liye hm tmhe apni team mein shaamil nhi kren ge. Ye baat sn kr Aliyan ko bht dkh hua. Wo bht umeed se in k pass dosti ka haath brhane aya tha mgr maayoos hokr wapis ghr laut Gaya. Ghr mein jb us ki ammi ne maayoosi ki waja poochi to us ne rotey rotey kaha k usey ab is mauhalle mein nhi rhena kyun k yahan koi us se dosti nhi krna chahta. Is ki ammi ye baat sn kr bht gamzadda hueen pr unhon ne Aliyaan ko smjhaya k mayoos na ho aur ye k us ki sb se ahista ahista dosti hojaye gi. Us k baad wo jb bhi baqi sb bachon ko cricket khelta dekhta to bht udaas hota. Ek din kch yun hua k jb lrkey cricket khel they they to balley baaz ne gaind ko bht uncha uchala aur wo seedhey Aliyan k ghr mein ja giri. Tamam lrkey gaind wapis leney Aliyan k ghr gye. Tb us ne un sb ko gaind wapis ki aur kaha k ye dobara us k ghr mein nhi aani chahiye. Lrkon ne us se waada kiya k aisa dobara nhi hoga aur agr aisa dobara ho to wo gaind waapis na krey. Ye khe kr sb lrkey dobara cricket khelne chaley gye. Ek hfte baad aisa dobara hua. Phir balley baaz ne unchi gaind uchali aur wo Aliyan k ghr ki khirki se ghr k andar chali gai. Is martaba lrkey gaind wapis leney nhi gye kyun k wo jantey they k Aliyaan gaind nhi de ga. Match waheen khatam hua aur sb apney apney ghr wapis chaley gye. Agley din Hazim nyi gaind le kr aya aur sb is se khelne lgey. Mgr is martaba phir gaind Aliyan k ghr mein chali gyi. Us ka ghr sb se upar tha aur is liye hr baar gaind zyada unchi uchaalne pr wo Aliyan k ghr mein chali jaati. Tamam lrkey bht udaas Huey aur wo udaas ho kr muhalle ki ek bench pr baith gye. Tb wahan Hazim ki daadi jaan aayeen. Unho ne in bachon ki udaasi ki waja poochi. Bachon ne btaya k gaind Hazim k ghr chali gyi hai aur wo usey wapis nhi krey ga kyun k koi usey cricket nhi khilata. Daadi ye sn kr bht hairaan hueen. Unhon ne bachon ki is nadaani pr narazgi dikhayi aur bachon ko smjhaya, “Tm sb bachon ko Aliyaan se dosti kr Leni chahiye. Wo ek khush ikhlaaq bacha hai aur sb se bari baat ye k wo khud dosti ka haath barhaane Aya tha. Kisi se dosti na krna aur bewaja jhagra krna galat baat hai. Allah Taalah ne hmen achey kaam krna sikhaya hai. Kisi ka Dil dukhana buri baat hai aur tm logon ne Aliyaan ka Dil dukhaya hai.” Daadi ammi ne phir bachon ko kaha, “Arey mere pyaare bachon abhi bhi waqt guzra nhi hai. Tm logon ko chahiye k ja kr Aliyaan se maafi maang lo aur usey dost bana lo. Usey roz apney saath khilao. Is trha wo gaind bhi wapis kr de ga aur tm logon ko ek aur acha dost bhi mil Jaye ga.” Ye khe kr daadi jaan Chali gayeen. Bachon ne daadi ki baat pr gaur kiya. Wo tamam Aliyaan k ghr gye aur us se maafi maangi. Aliyaan ne unhen foran maaf kr Diya aur dost bana liye, aur phir wo tamam bacche hr roz saath mil kr cricket khelne lgey.
Share it
Humari gaind |urdu kahani | story time
4/
5
Oleh
ST
